誰能明白我

大學畢業後,很多人問我一個問題:「吓,你都冇1st hon?!」唔知由幾時開始,我就被神化,有些人以為我讀stat好勁、炒股好勁、咩都勁。事實上,如果有睇過我中學成績表又或者會考成績嘅人應該知道:事實唔係你地諗嘅咁樣。初中要靠數學科先僅僅夠升班,三年來地理科最高分嗰次係49,綜合科學最高分嗰次係51,EPA、歷史有40分都要還神,中史因為用中文讀所以先好少少。去到中三開始有得讀物理先唔洗單靠數學咁悲劇,但中四上學期考試係得28分(其中一題係問: What is Newton's Second Law? 我嘅答案係: I don't know. You should ask Newton.)。入唔到理科嘅精英班,不能讀附加數,要靠班主任力薦學校先肯俾我自修(當時學校要求我中四[1]數學成績要全級頭20%,[2]全科合格。[1]對我沒難度,但[2]簡直是不可能)。會考只得17分,其中數學、附加數、物理佔去13分,中文不合格,第二年重考中英後combine cert都係得19分。會考後去左一間band3嘅學校,因為怕alevel再讀化學會唔合格。alevel的中英文都係差少少就唔合格(文化篇章拎U,practical skill拎F)。

要拎1st hon其實是可以的,但要轉做applied math option,stat course我成個大學生涯一個A+都冇,A都係得一個,主要都係B Range為主,反而applied math course就好好多。或者你會問:咁你做咩唔轉option?的確我year1有諗過e個問題,但始終覺得stat比較有用,自己又不想做研究,所以先冒著冇1st hon嘅風險留在stat。後來見到applied math option有不少人1st hon,我反而覺得我冇轉走係正確: 代表1st hon不是想像中那麼罕有。

被神化後,不時收到一些短訊求source、求功課答案、求past paper,有時連個電話號碼係邊個都唔知(其實我都係轉發人地send俾我嘅source,有時都唔明白點解一定要問我=.=);每逢測驗考試都會有些「朋友」突然出現向我求救,考完試之後又消失返。但被神化嘅好處就係做project很容易找groupmate,基本上第一堂就已經俾人mark實,開學頭一兩個星期已經搞掂哂。但有幾多個真係知道「我」是誰?

現在讀Financial Mathematics的碩士,本身係因為覺得自己需要有些金融的知識,在未來在這方便發展會有幫助,但一讀就發現出事:我根本就不相信那些理論。以往讀數學,證明1≠0、數學歸納法MI... ....即使不實用,但起碼一定是正確。但現在讀的,是將股市當成一個random variable,換句話說,明天升還是跌,不是因為有人買賣股票,而是如「擲銀仔」般睇彩數;我自己常用的技術分析,反而被認為是不科學。或者如果俾我揀多一次,我唔會讀e個碩士,甚至連學士都唔會揀數學,做一個工程師,又或者是Progammer可能更好。

至於在我的投資組合方面,基本上由暑假至一月都是滿倉持有,沒有怎樣炒,到近期才開始減磅。唯一有一個亮點是750興業太陽能的碎股,在上年六月750以五送一紅股,由於不夠一手所以不輕易沽出,所以之後即使沽了正股後其碎股仍然留在的投資組合內。經過數個月後,竟然有如此豐厚的回報。

 母親提議我買入多些碎股湊夠一手,然後我答她:「如果湊夠一手,一早就沽左啦,唔會持有到而家。所以繼續由佢啦。」事實證明,「坐定」比炒有時獲利可能更豐厚。另外要一讚爽報的 《300萬爽組合》,這是一個虛擬的投資組合,邀請一些財經分析員(演員?)來一個為期數個月的比賽,贏家可獲得利潤的一半。上年有火燎森,今年就有沈振盈、張士佳,都是遠近馳名walt數十足的燈神。在這個比賽,參賽者有機會獲得大額獎金,黎智英可以拆人招牌,我們可以從中得到燈神的指引,乃三贏局面。